Մարկո Ռուբիոն Իրանի դեմ ԱՄՆ-ի տնտեսական արշավն արդյունավետ է համարում

Իրանի դեմ ԱՄՆ-ի տնտեսական արշավն արդյունք է տալիս, և նոր ռազմական գործողությունների կարիք, հնարավոր է, չլինի։

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտարարել է ԱՄՆ պետքարտուղար Մարկո Ռուբիոն։

«Իրանի վրա գործադրվող տնտեսական ճնշումն այնքան արդյունավետ է, որ նախագահը (Դոնալդ Թրամփը) եզրակացրել է, թե ներկայումս լայնածավալ մարտական ​​գործողությունների կարիք չկա, քանի որ մենք նույն նպատակներին հասնում ենք տնտեսական միջոցառումների միջոցով», - լրագրողներին ասել է Ռուբիոն։

Ըստ ԱՄՆ պետքարտուղարի՝ եթե Իրանը սրի իրավիճակը և ռազմական գործողություններ սկսի, Միացյալ Նահանգները պատրաստ է արձագանքել։