Աբու Դաբիում ավարտվել է ԱՄՆ-ՌԴ-Ուկրաինա եռակողմ բանակցությունների առաջին օրը

Ռուսաստանի, ԱՄՆ-ի և Ուկրաինայի պատվիրակություններն ավարտել են Աբու Դաբիում բանակցությունների առաջին օրը։ ТАСС-ի թղթակցի փոխանցմամբ՝ բանակցությունները տևել են 4,5 ժամ՝ մոտ 40 րոպե տևած ընդմիջումով։

«Արմենպրես»-ը տեղեկացնում է, որ նոյեմբերի 11-ին եռակողմ բանակցային գործընթացը կշարունակվի։

Ռուսական պատվիրակությունը գլխավորում է ՌԴ նախագահի օգնական Վլադիմիր Մեդինսկին, իսկ ուկրաինական պատվիրակությունը՝ Արտաքին հետախուզության ծառայության ղեկավար Ռուստեմ Ումերովը։ Ամերիկյան կողմից հանդիպմանը մասնակցում են ԱՄՆ նախագահի բանագնացներ Սթիվ Ուիթքոֆը և Ջարեդ Քուշները։

Բանակցությունների նպատակն է քննարկել ռուս-ուկրաինական հակամարտության ավարտից հետո մայրցամաքի անվտանգության նոր համակարգի ձևավորման առանցքային հարցերը։ Հանդիպման մասնակիցները կկենտրոնանան սպառնալիքների կանխարգելման մեխանիզմների մշակման և տարածաշրջանային կայունության ամրապնդման վրա։