Վարդենիս համայնքի երեխաները ամանորյա նվերներ են ստացել ֆրանսահայ բարեգործական կազմակերպության կողմից
1 րոպեի ընթերցում
ԳԱՎԱՌ, 27 ԴԵԿՏԵՄԲԵՐԻ, ԱՐՄԵՆՊՐԵՍ։ Ամանորի և Սուրբ Ծննդի տոներին ընդառաջ Գեղարքունիքի մարզի Վարդենիս համայնքի փոքրիկները նվերներ են ստացել ֆրանսահայ բարեգործական կազմակերպության կողմից։
Ինչպես «Արմենպրես»-ը տեղեկացավ Վարդենիսի համայնքապետարանի աշխատակազմից, «Բարձունք 5165» ֆրանսահայ բարեգործական հասարակական կազմակերպությունն այս տարեմուտին ևս Վարդենիս համայնքում հանդես է եկել հերթական մարդասիրական նախաձեռնությամբ՝ իրականացնելով գեղեցիկ տոնական ծրագիր: Ծրագրի շահառուները եղել են Վարդենիս համայնքի տարբեր բնակավայրերի շուրջ 1500 երեխաներ՝ սոցիալապես անապահով և Արցախյան պատերազմներում զոհվածների ընտանիքներից: Նրանք ստացել են քաղցրավենիքով և սննդամթերքով լի արկղեր:
Նվերները բաժանվել են բնակավայրերի կրթական հաստատություններում կազմակերպված ամանորյա միջոցառումների ժամանակ, որոնց մասնակցել են Վարդենիսի համայքնապետարանի աշխատակիցները և «Բարձունք 5165» կազմակերպության ներկայացուցիչները։