368.06
Լեհաստանը և Գերմանիան պաշտպանական համաձայնագիր են ստորագրել
1 րոպեի ընթերցում
Լեհաստանը և Գերմանիան ստորագրել են երկկողմ պաշտպանական համաձայնագիր։
«Արմենպրես»-ի փոխանցմամբ՝ ինչպես հաղորդում է «Reuters»-ը՝ այս մասին հայտարարել են երկու երկրների պաշտպանության նախարարությունները։
Նշվում է, որ Լեհաստանն արդեն ստորագրել է պաշտպանական համաձայնագրեր Ֆրանսիայի և Մեծ Բրիտանիայի հետ և աշխատում է նմանատիպ համաձայնագրի վրա Իտալիայի հետ։
Լեհաստանի պաշտպանության նախարար Վլադիսլավ Կոսինյակ-Կամիշը համոզմունք է հայտնել, որ պաշտպանական համաձայնագիրը բացում է համագործակցության նոր ոլորտներ՝ կիբերանվտանգության, համատեղ պատասխանատվության, Բալթիկայում համատեղ հրամանատարության և նոր տեխնոլոգիաների ուղղությամբ։
«Սա բացում է նոր հնարավորություններ ռազմական շարժունակության, ինչպես նաև մեր երկրների միջև այս շարժունակության համար ենթակառուցվածքների զարգացման համար»,-ասել է նա։
Փաստաթուղթը ստորագրվել է լեհ-գերմանական բարիդրացիական հարաբերությունների և բարեկամական համագործակցության մասին պայմանագրի ստորագրման 35-ամյակի առթիվ։
Բաժանորդագրվեք մեր ալիքին Telegram-ում