Վարչապետը հրավերի դեպքում կմասնակցի Բաքվում նախատեսվող Եվրոպական քաղաքական համայնքի գագաթնաժողովին

ՀՀ վարչապետ Նիկոլ Փաշինյանը հայտարարել է, որ հրավերի դեպքում կմեկնի Բաքու՝ մասնակցելու Եվրոպական քաղաքական համայնքի գագաթնաժողովին։

«Արմենպրես»-ի հաղորդմամբ՝ այս մասին Փաշինյանն ասաց Ազգային ժողովում կառավարության հետ հարցուպատասխանի ժամանակ։

«Ես ասել եմ՝ 2029 թվականին, եթե հրավեր լինի Եվրոպական քաղաքական համայնքի գագաթնաժողովին, ես այս գլխից ասում եմ՝ գնալու եմ Բաքու»,- ասաց Փաշինյանը։