360.34
Իրանն Ադրբեջանի դեսպանին կանչել է ԱԳՆ՝ երկրի 14 քաղաքացիների «պերսոնա նոն գրատա» հայտարարելու պատճառով
1 րոպեի ընթերցում
Իրանը Թեհրանում Ադրբեջանի դեսպանին կանչել է Արտաքին գործերի նախարարություն՝ կապված Բաքվի կողմից Իրանի 14 քաղաքացիների «պերսոնա նոն գրատա» հայտարարելու հետ: «Արմենպրես»-ի փոխանցմամբ՝ Mehr գործակալությունը հաղորդում է, որ այս մասին ճեպազրույցի ժամանակ հայտարարել է Իրանի արտգործնախարարության խոսնակ Էսմայիլ Բաղային:
Պաշտոնյան Ադրբեջանի քայլը որակել է «ոչ բարեկամական»՝ նշելով, որ Թեհրանը համապատասխան քայլեր կձեռնարկի՝ ի պատասխան Բաքվի այդ որոշման:
Նոյեմբերի 3-ին Ադրբեջանն Իրանի 14 քաղաքացիների անցանկալի անձ էր հայտարարել և արգելել նրանց մուտքը երկիր: Նրանց թվում են Մեջլիսի պատգամավորներ, լրատվական ոլորտի ներկայացուցիչներ և կրոնական գործիչներ: Ըստ Բաքվի՝ նման որոշում է ընդունվել նրանց վիրավորական արտահայտությունների, կրոնական քարոզչության և բռնի իշխանափոխության կոչերի պատճառով:
Բաժանորդագրվեք մեր ալիքին Telegram-ում