360.4
Իրանի և ԱՄԷ-ի արտգործնախարարները քննարկել են տարածաշրջանային զարգացումները
1 րոպեի ընթերցում
Արաբական Միացյալ Էմիրությունների արտաքին գործերի նախարար շեյխ Աբդալլահ բին Զայեդ ալ-Նահյանը հեռախոսազրույց է ունեցել Իրանի Իսլամական Հանրապետության արտաքին գործերի նախարար Աբբաս Արաղչիի հետ։ «Արմենպրես»-ի փոխանցմամբ՝ այս մասին հաղորդում է էմիրաթական WAM գործակալությունը։
Հեռախոսազրույցի ընթացքում կողմերը քննարկել են տարածաշրջանում տիրող ընդհանուր իրավիճակը և տարածաշրջանային զարգացումները:
ԱՄԷ նախարարն ընդգծել է լարվածության նվազեցման և դիվանագիտական ջանքերի առաջխաղացման կարևորությունը՝ տարածաշրջանում անվտանգության և կայունության ամրապնդմանը նպաստելու համար:
Tasnim գործակալության փոխանցմամբ՝ Իրանի ԱԳ նախարար Աբբաս Արաղչին առանձին հեռախոսազրույցներ է ունեցել Հորդանանի, Սաուդյան Արաբիայի, Կատարի, Կիպրոսի, Թուրքիայի, Քուվեյթի և Պակիստանի իր գործընկերների հետ՝ քննարկելով տարածաշրջանային զարգացումները և տարածաշրջանում կայունության պահպանմանն ուղղված դիվանագիտական նախաձեռնությունները։
Բաժանորդագրվեք մեր ալիքին Telegram-ում