1 րոպեի ընթերցում
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ։ Կառավարությունը չորս մարզերին 318,8 միլիոն դրամ կհատկացնի տարբեր ծրագրերի համար։ «Արմենպրես»-ի հաղորդմամբ՝ կառավարության նիստին նախագիծը ներկայացրեց տարածքային և ենթակառուցվածքների նախարար Գնել Սանոսյանը։
«Նախագծերի մեծ մասը վերաբերվում է Լոռու և Տավուշի մարզերին։ Հատկապես, աղետից հետո այնտեղ մի շարք անելիքներ կան»,- ասաց Սանոսյանը։
Նախագծով Լոռու մարզին կհատկացվի՝ 117.7 մլն (5 նախագծերի ձեռքբերում, շինարարություն), Տավուշի մարզին՝ 109.8 մլն (4 նախագծերի ձեռքբերում, 2 շինարարություն), Գեղարքունիքի մարզին՝ 86.3 մլն (2 շինարարություն),Սյունիքի մարզին՝ 5 մլն դրամ։