ՀՀ վարչապետը շնորհավորել է Սերբիայի «Ուսանողական ցուցակին» ընտրություններում հաղթանակի առթիվ

Հայաստանի վարչապետ Նիկոլ Փաշինյանը շնորհավորել է Սերբիայի «Ուսանողական ցուցակին» և ուսանողական շարժմանը՝ խորհրդարանական ընտրություններում հաղթանակի կապակցությամբ։

Congratulations to the Students’ List & @studentblokade on their electoral victory in 🇷🇸! 🇦🇲 looks forward to working with Serbia’s next government to further strengthen our longstanding friendship & bilateral cooperation.

— Nikol Pashinyan (@NikolPashinyan) October 26, 2026

«Արմենպրես»-ի փոխանցմամբ՝ վարչապետը շնորհավորական գրառում է կատարել X-ի իր էջում՝ ընդգծելով Սերբիայի հաջորդ կառավարության հետ համագործակցելու Հայաստանի պատրաստակամությունը։

«Շնորհավորում եմ «Ուսանողական ցուցակին» և ուսանողական շարժմանը՝ Սերբիայում ընտրական հաղթանակի առթիվ։ Հայաստանը պատրաստակամ է աշխատելու Սերբիայի հաջորդ կառավարության հետ՝ մեր վաղեմի բարեկամությունն ու երկկողմ համագործակցությունն էլ ավելի ամրապնդելու համար»,– գրել է Փաշինյանը։

Սերբիայում հոկտեմբերի 25-ին անցկացված արտահերթ խորհրդարանական ընտրություններից հետո Ալեքսանդր Վուչիչն ընդունել է իր քաղաքական ուժի պարտությունը։ Reuters-ի փոխանցմամբ՝ մինչև վերջնական արդյունքների հրապարակումը Վուչիչը հայտարարել է, որ «Ուսանողական ցուցակը» կարող է ստանալ խորհրդարանի 250 տեղերից 135–140-ը, իսկ իր քաղաքական ճամբարը՝ 105-ը։

Ուսանողական շարժումը ձևավորվել էր 2024 թվականին Նովի Սադի երկաթուղային կայարանի ծածկի փլուզումից հետո, որի հետևանքով զոհվել էր 16 մարդ։ Ողբերգությանը հաջորդած բողոքի ակցիաների մասնակիցները պահանջում էին պատասխանատվություն և պայքար կոռուպցիայի դեմ։ Շուրջ երկու տարի շարունակված բողոքի շարժումը դարձել էր իշխանության գլխավոր մրցակիցը խորհրդարանական ընտրություններում։