1 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Առողջապահության համաշխարհային կազմակերպության գնահատմամբ՝ Աֆրիկայում Covid-19-ով վարակվածների թիվը կարող է 7 անգամ ավելի շատ լինել, քան ցույց են տալիս պաշտոնական տվյալները:
«Արմենպրես»-ի հաղորդմամբ՝ այս մասին հայտնում է Reuters-ը՝ այս մասին հայտնել է ԱՀԿ-ի Աֆրիկայի տարածաշրջանային ղեկավար Մատշիդիսո Մոետին:
Ըստ ԱՀԿ-ի՝ Աֆրիկայում վիրուսից մահերը կարող են լինել 2-3 անգամ ավելի շատ:
«Մենք քաջատեղյակ ենք, որ մեր՝ մայրցամաքում թեստավորման պարագաների հասանելիության հետ կապված խնդիրները հանգեցրել են դեպքերի թերագնահատմանը», - ասել է բժիշկ Մատշիդիսո Մոետին լրատվամիջոցների համար առցանց ճեպազրույցում: