Ռուսաստանն ու Թուրքիան կդյուրացնեն վիզային ռեժիմը
1 րոպեի ընթերցում
![Ռուսաստանն ու Թուրքիան կդյուրացնեն վիզային ռեժիմը](http://armenpress.am/resized/480/static/news/b/2019/04/970517.jpg)
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ռուսաստանն ու Թուրքիան աշխատանքներ են իրականացնելու վիզային ռեժիմի ազատականացման ուղղությամբ: «Արմենպրես»-ի հաղորդմամբ, այս մասին տեղեկացնում է «ՌԻԱ Նովոստի»-ն:
Նշվում է, որ շուտով պրոֆեսիոնալ վարորդների համար վիզայի չեղարկման հարցը կկարգավորվի:
Մոսկվայում անցկացվում է բարձր մակարդակի համագործակցության ռուս-թուրքական խորհրդի նիստը: Ռուսաստանի նախագահ Վլադիմիր Պուտինը նիստում իր ելույթում նշել էր, որ ՌԴ-ի եւ Թուրքիայի միջեւ առեւտրի ընդլայնմանը կարող Էր նպաստել այդ ոլորտում դեռեւս գործող սահմանափակումների չեղարկումը: