1 րոպեի ընթերցում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: «Ռոսկոմնադզորը» կարող Է արգելափակել Facebook-ը, եթե սոցցանցը չենթարկվի Ռուսաստանի օրենսդրությանը: «Իզվեստիա» թերթում հրապարակված հարցազրույցում այս մասին հայտարարել Է գերատեսչության ղեկավար Ալեքսանդր Ժարովը, տեղեկացնում Է «Արմենպրես»-ը:
«Մինչեւ 2018 թվականի վերջը մենք կանցկացնենք ընկերության ստուգում, եւ կան մի քանի կետեր, որոնք պետք Է կատարված լինեն. Ռուսաստանի տարածքում երկրի քաղաքացիների տվյալների տեղափակում, ամբողջ արգելված տեղեկատվության հեռացում: Եթե դրանից ոչինչ կամ ինչ-որ բան կատարված չլինի, ապա, ըստ երեւույթին, կծառանա արգելափակման հարցը»,- ասել Է նա:
Նույն այդ հարցազրույցում Ժարովը պատմել Է, որ «Ռոսկոմնադզորը» պահանջներ չունի արգելափակված Telegram-ի օգտատերերի նկատմամբ, քաղաքացիները կարող են այսուհետեւ Էլ շփվել տվյալ մեսենջերի միջոցով: