ԱՄՆ-ը չի ցանկանում պահպանել Սիրիայի տարածքային ամբողջականությունը. Լավրով
1 րոպեի ընթերցում
![ԱՄՆ-ը չի ցանկանում պահպանել Սիրիայի տարածքային ամբողջականությունը. Լավրով](http://armenpress.am/resized/480/static/news/b/2018/01/918933.jpg)
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Վաշինգտոնը չի ցանկանում պահպանել Սիրիայի տարածքային ամբողջականությունը: Այդ մասին հունվարի 15-ին հայտարարել Է Ռուսաստանի արտաքին գործերի նախարար Սերգեյ Լավրովը՝ Մոսկվայում ելույթ ունենալով 2017 թվականին ռուսական դիվանագիտության գործունեության արդյունքների նվիրված մամուլի ասուլիսում, տեղեկացնում Է «Արմենպրես»-ը՝ հղում անելով ՏԱՍՍ-ին:
«Այժմ այն գործողությունները, որոնք մենք տեսնում ենք, ցույց են տալիս, որ Միանցյալ Նահանգները չի ցանկանում պահպանել Սիրիայի տարածքային ամբողջականությունը,-նշել Է նախարարը:-Բառացիորեն երեկ հայտարարվել Է նոր նախաձեռնության մասին, ըստ որի ԱՄՆ-ը ցանկանում Է օգնել այսպես կոչված Սիրիայի ժողովրդավարական ուժերին՝ ստեղծելու սահմանային անվտանգության ինչ-ինչ գոտիներ: Մեծ հաշվով դա նշանակում Է հսկայական տարածքի առանձնացում Թուրքիայի եւ Իրաքի հետ սահմանների երկայնքով»: