1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Գեղարքունիքի մարզի Լճավան համայնքում տեղի ունեցավ ՀՖՖ կողմից կազմակերպվող «Բաց զվարճալի ֆուտբոլ» ծրագրի հերթական միջոցառումը: Միջոցառմանը մասնակցում էին 100 երեխաներ, որոնք կատարեցին ֆուտբոլային վարժություններ և անցկացրեցին փոքր ֆուտբոլային խաղեր խաղադաշտում:
«Արմենպրես»-ը հաղորդում է, որ այդ մասին տեղեկացնում է Հայաստանի ֆուտբոլի ֆեդերացիայի լրատվության բաժինը:
ՀՖՖ-ն տրամադրել էր մարզահագուստ, գնդակներ և ֆուտբոլային այլ պարագաներ: Միջոցառման կազմակերպման հարցում մեծ աջակցություն էր ցուցաբերել Գեղարքունիքի մարզում ՀՖՖ ներկայացուցիչ Դավիթ Դավթյանը: