1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 3-ին` ժամը 01.55-ին, ահազանգ է ստացվել, որ Կոտայքի մարզի Ծաղկաձոր քաղաքում «Վազ 2121» մակնիշի ավտոմեքենան արգելափակվել է ձնակույտի մեւ. դուրս բերելու համար անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:
Հրշեջ-փրկարարները Ջրառատ-Ծաղկաձոր ավտոճանապարհի 1-ին կմ հատվածից` անտառնտեսության մոտակայքից, արգելափակումից դուրս են բերել Ա. Ն.-ին պատկանող «Վազ 2121» մակնիշի 735 OO 64 պետհամարանիշի ավտոմեքենան: