Երևան-Իջևան ճանապարհին «Մերսեդես Բենց»-ը բախվել է ծառի

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: «Մերսեդես Բենց 600» մակնիշի ավտոմեքենան սեպտեմբերի 7-ին` ժամը 18.30-ի սահմաններում, Երևան-Իջևան ճանապարհի 71-րդ կմ-ին` Իջևան ընթանալիս, դուրս է եկել երթևեկելի մասից և շրջվել դաշտամիջյան հատվածում` բախվելով ծառի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով վարորդը և ուղևորը մարմնական վնասվածքներով տեղափոխվել են հիվանդանոց: Կատարվում է քննություն: