Երևան-Իջևան ճանապարհին «Մերսեդես Բենց»-ը բախվել է ծառի
1 րոպեի ընթերցում
![Երևան-Իջևան ճանապարհին «Մերսեդես Բենց»-ը բախվել է ծառի](http://armenpress.am/resized/480/static/news/b/2014/09/775340.jpg)
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: «Մերսեդես Բենց 600» մակնիշի ավտոմեքենան սեպտեմբերի 7-ին` ժամը 18.30-ի սահմաններում, Երևան-Իջևան ճանապարհի 71-րդ կմ-ին` Իջևան ընթանալիս, դուրս է եկել երթևեկելի մասից և շրջվել դաշտամիջյան հատվածում` բախվելով ծառի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով վարորդը և ուղևորը մարմնական վնասվածքներով տեղափոխվել են հիվանդանոց: Կատարվում է քննություն: