Երևանի Շինարարների փողոցում իրականացվում են ապօրինի կրպակների քանդման աշխատանքներ

Երևանի Շինարարների փողոցում իրականացվում են ապօրինի կրպակների քանդման աշխատանքներ։

«Արմենպրես»-ի փոխանցմամբ՝ Երևանի ավագանու նիստի ժամանակ թեմային անդրադարձել է Երևանի առաջին փոխքաղաքապետ Արմեն Փամբուխչյանը՝ անդրադառնալով այդ առնչությամբ ավագանու ընդդիմադիր խմբակցությունների բողոքներին։ 

«Այդ կրպակները կառուցված են համայնքային հողերի վրա, ժամանակին չգիտեմ ինչ-ինչ մեխանիզմներով կառուցվել են, և այժմ այդ ամբողջ տարածքը վերադարձնում ենք հանրությանը, որտեղ այդ կրպակների փոխարեն պետք է կանաչ գոտի լինի»,- ասել է Փամբուխչյանը։