ՄԱԿ-ի գլխավոր քարտուղարը ակնկալում է, որ Միացյալ Նահանգները կվճարի կազմակերպության բյուջեին իր չվճարված պարտքի մի մասը
1 րոպեի ընթերցում
ՄԱԿ-ի գլխավոր քարտուղար Անտոնիո Գուտերեշը ակնկալում է, որ Միացյալ Նահանգները մոտ ապագայում կվճարի ՄԱԿ-ի բյուջեին իր չվճարված պարտքի մի մասը։
«Դա շատ շուտով տեղի կունենա», -այս մասին, ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, ՄԱԿ-ի կենտրոնակայանում լրագրողներին ասել է Գուտերեշը։
Նախկինում հաղորդվել էր, որ Պետդեպարտամենտը Կոնգրեսին տեղեկացրել է ՄԱԿ-ին 725 միլիոն դոլար վճարելու իր մտադրության մասին՝ որպես ՄԱԿ-ի բյուջետային պարտքի մուծում։ ԱՄՆ կառավարության կողմից ՄԱԿ-ի կանոնավոր բյուջեին և խաղաղապահ գործողություններին մուծումների համար պարտքի ընդհանուր ծավալը գերազանցում է 4 միլիարդ դոլարը։