Հայաստանը սահմանների համալիր կառավարման հարցում հեղափոխական փոփոխություններ է ունենալու. նախարար
1 րոպեի ընթերցում
Հայաստանի կառավարության հանձնառությունն է խորքային փոփոխություններ ունենալ սահմանների համալիր կառավարման ոլորտում:
«Արմենպրես»-ի հաղորդմամբ ՝ այս մասին ասաց Ներքին գործերի նախարար Արփինե Սարգսյանը «Վիզաների ազատականացման ուղին. ԵՄ-Հայաստան համագործակցության ամրապնդումը վիզաների ազատականացման գործողությունների ծրագրի իրականացման շրջանակում» պանելային քննարկման շրջանակում իր բացման խոսքում:
Նախարարը ներկայացրեց վիզաների ազատականացման գործողությունների ծրագրին համահունչ իրականացվող բարեփոխումները:
«Մեծ բաղադրիչ է սահմանների համալիր կառավարումը, որը մեզ համար չափազանց կարևոր բաղադրիչ է: Մենք ունենալու ենք հեղափոխական փոփոխություններ: Չենք կարող պնդել, թե սահմանների համալիր կառավարման բաղադրիչում արհեստական կամ փոքր փոփոխություններով կհասնենք լուրջ էֆեկտի»,-ասաց նախարարը:
Նա վստահեցրեց՝ իրենց հանձնառությունն է խորքային փոփոխություններ ունենալ սահմանների համալիր կառավարման ոլորտում՝ համագործակցելով համապատասխան մարմինների, հատկապես ԱԱԾ գործընկերների հետ՝ ներդաշնակեցնելով գործողությունները այս ոլորտի բարեփոխումների տեսանկյունից: