1 րոպեի ընթերցում
Հորմուզի նեղուցում «անհայտ արկի» հարվածից վնասվել է ևս մեկ բեռնատար նավ։ Ինչպես հաղորդում է «Արմենպրես»-ը՝ վկայակոչելով BBC-ն, այս մասին հայտնել է Միացյալ Թագավորության ծովային առևտրի գործողությունների ծառայությունը (UKMTO)։
Նշվում է, որ նավի անձնակազմը չի տուժել և այժմ ապահով է։
Նավը գտնվել է Դուբայից 93 կմ հյուսիս-արևմուտք։
Ավելի վաղ հայտնի էր դարձել Օմանից հյուսիս մեկ այլ բեռնատարի վրա հարձակման մասին։ Հարձակման հետևանքով հրդեհ էր բռնկվել, իսկ նավի անձնակազմը սկսել էր տարհանվել։