1 րոպեի ընթերցում
Էր Ռիադը խստորեն դատապարտում է Թուրքիային և Ադրբեջանին հարվածներ հասցնելու Իրանի փորձերը: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին ասվում է Սաուդյան Արաբիայի արտաքին գործերի նախարարության հայտարարության մեջ։
«Թագավորությունն ընդգծում է, որ երկու երկրների դեմ ուղղված այս երկչոտ փորձերը, ինչպես նաև Իրանի կողմից տարածաշրջանի երկրների նկատմամբ հաճախակի աղաղակող վարքագիծը վկայում են նրա թշնամական մոտեցման մասին, որը ոչ մի պարագայում չի կարող արդարացվել», - ասվում է տեքստում:
ԱԳ նախարարությունը նաև «լիակատար համերաշխություն է հայտնել Թուրքիային և Ադրբեջանին»:
Ավելի վաղ Իրանի զինված ուժերից հայտնել են, որ հարգում են հարևան Թուրքիայի ինքնիշխանությունը, և հերքել են երկրի տարածքի ուղղությամբ հրթիռի արձակումը։
Իր հերթին, Իրանի արտաքին գործերի փոխնախարար Քազեմ Ղարիբաբադին հերքել է Թեհրանի մասնակցությունը Նախիջևանի օդանավակայանին ԱԹՍ-ների հարվածին՝ շեշտելով, որ Իրանը չի հարվածում հարևան երկրներին, և այս միջադեպը պահանջում է մանրակրկիտ հետաքննություն։