Ուկրաինայի նախագահն ու Լեհաստանի վարչապետը զենքի արտադրության մտադրության մասին նամակ են ստորագրել
1 րոպեի ընթերցում
Ուկրաինայի նախագահ Վլադիմիր Զելենսկին և Լեհաստանի վարչապետ Դոնալդ Տուսկը Կիևում ստորագրել են նամակ՝ լեհ-ուկրաինական համատեղ զենքի արտադրության մտադրության վերաբերյալ։
«Մենք ստորագրեցինք համատեղ մտադրությունների նամակ, որը գործնական համագործակցության նախաբանից ավելին է։ Սա մեր նպատակն է եղել ամիսներ շարունակ, և մենք զգալի ջանքեր ենք գործադրել, որպեսզի զենքի և զինամթերքի համատեղ արտադրության գաղափարը դառնա իրականություն», - ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին ասել է Տուսկը TVP Info-ի կողմից հեռարձակված մամուլի ասուլիսում։
Լեհաստանի վարչապետը նաև հույս է հայտնել, որ եվրոպական SAFE ռազմականացման ծրագրի որոշ միջոցներ կօգտագործվեն լեհ-ուկրաինական համատեղ նախագծերի համար: Տուսկի խոսքով՝ Վարշավան և Կիևը հատկապես հետաքրքրված են զինամթերքի համատեղ արտադրությամբ: