ՆԱՏՕ-ի գլխավոր քարտուղարը ժամանել է Կիև

ՆԱՏՕ-ի գլխավոր քարտուղար Մարկ Ռյուտեն ժամանել է Կիև և Ուկրաինայի նախագահ Վոլոդիմիր Զելենսկու հետ հարգանքի տուրք մատուցել պատերազմի զոհերի հիշատակին։ «Արմենպրես»-ի փոխանցմամբ՝ համապատասխան տեսանյութը Զելենսկին տեղադրել է X հարթակի իր էջում։

Maidan Nezalezhnosti. The People’s Memorial of National Remembrance. A memorial honoring our heroes, warriors, our people who defended Ukraine against the enemy, fought, and made the ultimate sacrifice in this war.

Together with @SecGenNATO Mark Rutte, we honored the memory of… pic.twitter.com/ugWsJChlAV

— Volodymyr Zelenskyy / Володимир Зеленський (@ZelenskyyUa) February 3, 2026

Կից գրառման մեջ Ուկրաինայի նախագահը նշել է, որ Ռյուտեի հետ միասին հարգել են ուկրաինացի զոհված պաշտպանների հիշատակը։ Նա երախտագիտություն է հայտնել նրանց զոհաբերության համար։

Ռյուտեի այցը տեղի է ունենում Ռուսաստանի կողմից Ուկրաինայի էներգետիկ օբյեկտների վրա հարվածների վերսկսումից հետո։ Անցյալ շաբաթ ԱՄՆ Նախագահ Դոնալդ Թրամփի խնդրանքով Ռուսաստանը դադարեցրել էր Ուկրաինայի էներգետիկ ենթակառուցվածքների վրա հարձակումը։ Ուկրաինան նույն կերպ էր պատասխանել։