1 րոպեի ընթերցում
Ուկրաինայի նախագահ Վոլոդիմիր Զելենսկին հաստատել է, որ Ուկրաինան ձգտում է անդամակցել Հյուսիսատլանտյան դաշինքին (ՆԱՏՕ) և վերադարձնել Ղրիմը Ուկրաինային, սակայն բավարար աջակցություն չունի։
«Արմենպրես»-ի փոխանցմամբ՝ այս մասին հայտնում է UNIAN-ը։
«Մենք ռեալիստներ ենք։ Մենք իսկապես ուզում ենք միանալ ՆԱՏՕ-ին։ Իմ կարծիքով՝ դա արդարացի է։ Բայց մենք հաստատ գիտենք, որ ո՛չ Ամերիկայի Միացյալ Նահանգները, ո՛չ էլ մի քանի այլ երկրներ, անկեղծ ասած, դեռևս չեն տեսնում Ուկրաինային ՆԱՏՕ-ում։ Եվ Ռուսաստանը, անշուշտ, երբեք մեզ այնտեղ չի տեսնի», - ընդգծել է Զելենսկին։
Միևնույն ժամանակ Զելենսկին խոստովանել է, որ իրենք չունեն Ղրիմը վերադարձնելու ուժ։
«Ես անկեղծ կլինեմ. այո, մենք այսօր ուժ չունենք այս ամենի համար։ Մենք բավարար աջակցություն չունենք այս ամենի համար։ Բայց ես սա ասացի մեր առաջին հանդիպման ժամանակ»,- ասել է նա։