Զելենսկին հայտարարել է մարտական գործողություններում «Ֆլամինգո» և «Ռուտա» հրթիռների կիրառման մասին
1 րոպեի ընթերցում
Ուկրաինական նոր «Ֆլամինգո» և «Ռուտա» հրթիռները կիրառվել են մարտական գործողություններում, լրագրողների հետ հանդիպման ժամանակ հայտարարել է Ուկրաինայի նախագահ Վոլոդիմիր Զելենսկին։ «Արմենպրես»-ի փոխանցմամբ՝ այս մասին հաղորդում է BBC-ի ռուսական ծառայությունը։
««Ֆլամինգո»-ն կիրառվել է մարտական գործողություններում։ «Ռուտա»-ն կիրառվել է մարտական գործողություններում։ Մենք անում ենք ամեն բան, որպեսզի այս տարի փորձարկենք ոչ թե թվով մեկ, երկու կամ երեք, այլ լուրջ փորձարկում իրականացնենք։ Մենք շարժվում ենք այդ ուղղությամբ։ Մենք կարծում ենք, որ մեզ դա կհաջողվի։ Մեր կողմից բազմակի կիրառումն արդեն ցույց է տվել, որ, հնարավոր է, լինեն գործուն արդյունքներ», - հայտարարել է նա։
«Ֆլամինգո»-ն մինչև 3000 կիլոմետր հեռահարությամբ ծանր հրթիռ է։ Զելենսկին նախկինում այն անվանել էր Ուկրաինայի ամենահաջող ժամանակակից մշակումը։