Մասկը հայտնել է ամբողջությամբ արհեստական բանականության ստեղծած խաղ թողարկելու մասին

Ամերիկացի ձեռնարկատեր Իլոն Մասկը հայտարարել է, որ իր ղեկավարած xAI ընկերությունը, որը զբաղվում է արհեստական բանականության մշակմամբ, մինչև 2026 թվականի ավարտը կթողարկի խաղ, որն ամբողջությամբ ստեղծված է արհեստական բանականության կողմից։ Ինչպես հաղորդում է «Արմենպրես»-ը, այս մասին Մասկը գրառում է կատարել Х-ի իր էջում։

«хAI-ի խաղային ստուդիան մինչև հաջորդ տարվա ավարտ կթողարկի հիանալի խաղ՝ ստեղծված արհեստական բանականության կողմից»,- գրել է նա։

xAI ընկերությունը զբաղվում է Grok արհեստական բանականության մշակմամբ։