1 րոպեի ընթերցում
Բարձագույն դատական խորհրդի նախագահ Արթուր Աթաբեկյանը հանդիսավոր ընդունելության ժամանակ մի շարք դատավորների հանձնել է Անկախության տոնի առթիվ ՀՀ նախագահի շնորհած մեդալները:
Ինչպես «Արմենպրես»-ին տեղեկացրին Դատական դեպարտամենտից, «Մխիթար Գոշ»-ի մեդալներ են հանձնվել Վերաքննիչ հակակոռուպցիոն դատարանի դատավոր Հովիկ Շահնազարյանին, Վերաքննիչ քաղաքացիական դատարանի դատավոր Սերգեյ Սահակյանին, Վերաքննիչ քրեական դատարանի դատավոր Մնացական Հարությունյանին, Սնանկության դատարանի դատավոր Գարիկ Ավագյանին:
«Երախտագիտության» մեդալով պարգևատրվել է Վերաքննիչ քաղաքացիական դատարանի դատավոր Նաիրա Մարգարյանը:
Դատական դեպարտամենտի ղեկավար Նաիրի Գալստյանին հանձնվել է Քաղաքացիական ծառայության առաջին դասի պետական խորհրդականի դասային աստիճանը հավաստող ՀՀ նախագահի հրամանագիրը։
Նշվում է, որ ՀՀ նախագահի նստավայրում Անկախության տոնին նվիրված միջոցառմանը պարգևատրվել էին Երևան քաղաքի առաջին ատյանի ընդհանուր իրավասության քաղաքացիական դատարանի նախագահ Սարգիս Արմենակյանը և Հակակոռուպցիոն դատարանի նախագահ Խաչիկ Ղազարյանը: