360.43
Փարաքարի Սուրբ Հարություն եկեղեցու գույքը վնասելու դեպքով 31-ամյա տղամարդ է ձերբակալվել
1 րոպեի ընթերցում
Արմավիրի մարզի Փարաքար համայնքի Սուրբ Հարություն եկեղեցու գույքը վնասելու դեպքով 31-ամյա տղամարդ է ձերբակալվել՝ խուլիգանություն կատարելու կասկածանքով։
«Արմենպրես»-ի փոխանցմամբ՝ այս մասին հայտնել է ՀՀ ՆԳՆ ոստիկանությունը։
Նոյեմբերի 9-ին՝ ժամը 16։54-ին, ոստիկանության օպերատիվ կառավարման կենտրոն ահազանգ է ստացվել, որ եկեղեցու տարածքում տղամարդն ագրեսիվ վարքագիծ է դրսևորում և վնասում գույքը։ Ահազանգին արձագանքել են Համայնքային ոստիկանության Վաղարշապատի բաժնի և Պարեկային ծառայության Արմավիրի մարզի գումարտակի ծառայողները։
Ոստիկանության հաղորդմամբ՝ տղամարդը մտել է եկեղեցու տարածք և կոտրել եկեղեցու գույքը։ Նրան տեղափոխել են ոստիկանության բաժին։ Դեպքի հանգամանքները պարզվում են։
Բաժանորդագրվեք մեր ալիքին Telegram-ում