1 րոպեի ընթերցում
Արագածոտնի մարզային փրկարարական վարչության ճգնաժամային կառավարման կենտրոնը օգոստոսի 4-ին, ժամը 18։14-ին ահազանգ է ստացել, որ Աշտարակ քաղաքում տեղի է ունեցել ՃՏՊ․ կա արգելափակված քաղաքացի։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից մեկ մարտական հաշվարկ։
Պարզվել է, որ Աշտարակ-Երևան ավտոճանապարհի 7-ին կմ-ին BMW մակնիշի ավտոմեքենան բախվել է ծառին։
Ըստ աղբյուրի՝ մինչ փրկարարների կանչի վայր հասնելը՝ ուղևորներից մեկը հոսպիտալացվել է բժշկական կենտրոն։
Փրկարարները հոսանքազրկել են ավտոմեքենան, մեկ այլ ուղևորի դուրս բերել արգելափակումից և մոտեցրել շտապօգնության մեքենային․ վարորդը և ուղևորը ևս հոսպիտալացվել են բժշկական կենտրոն։