Երևանում Մուրացանի փողոցում կրակոցներ են հնչել․ կա զոհ

Երևանում Մուրացանի փողոցում հուլիսի 18-ի երեկոյան կրակոցներ են հնչել, ինչի հետևանքով կա զոհ։ 

«Արմենպրես»-ի փոխանցմամբ՝ ՀՀ ՆԳ նախարարությունից հայտնում են, որ ձեռնարկում են միջոցառումներ միջադեպի հանգամանքները պարզելու ուղղությամբ։ 

«Հուլիսի 18-ին ժամը 21։18-ին ՆԳՆ 112 օպերատիվ կառավարման կենտրոն ահազանգ է ստացվել մայրաքաղաքի Մուրացանի փողոցում տեղի ունեցած միջադեպի վերաբերյալ։ 

Դեպքի վայր են մեկնել ՆԳՆ ոստիկանության օպերատիվ խմբեր, որտեղ հայտնաբերվել է դի։ Ձեռնարկվում են անհետաձգելի օպերատիվ-հետախուզական միջոցառումներ դեպքի բոլոր հանգամանքները պարզելու ուղղությամբ»,- հայտնում են Ոստիկանությունից։ 

Այլ մանրամասներ դեռևս չեն հայտնում։