Հայաստանում սպասվում է կարճատև անձրև, ամպրոպ և կարկուտ, օդի ջերմաստիճանն էապես չի փոխվի

Հայաստանի տարածքում մայիսի 25-ի ցերեկը, 27-ին՝ կեսօրից հետո, 28-30-ին՝ գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում սպասվում է նաև կարկուտ։

Ինչպես «Արմենպրես»-ին տեղեկացրին ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնից, մայիսի 26-ին սպասվում է առանց տեղումների եղանակ։

«Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Օդի ջերմաստիճանն էապես չի փոխվի»,- ասվում է հաղորդագրության մեջ։

Ըստ աղբյուրի՝ Երևանում մայիսի 25-ի ցերեկը, 26-ին սպասվում է առանց տեղումների եղանակ։

Մայիսի 27-ի երեկոյան, 28-30-ին՝ գիշերը և կեսօրից հետո սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 14-17 մ/վ արագությամբ։