2 րոպեի ընթերցում
«Քաղաքացիական պայմանագիր» կուսակցությունը պատրաստվում է հաղթել Գյումրիի ավագանու արտահերթ ընտրություններում:
«Արմենպրես»-ի հաղորդմամբ՝ այս մասին հայտարարեց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը:
Անդրադառնալով հարցին, թե ՔՊ–ն Գյումրիի ՏԻՄ ընտրություններում պատրա՞ստ է կոալիցիա կազմել «Կոմունիստական կուսակցության» ցուցակը գլխավորող Վարդան Ղուկասյանի հետ, եթե անհրաժեշտություն լինի՝ Արթուր Հովհաննիսյանը բացասական պատասխան տվեց:
««Քաղաքացիական պայմանագիր» կուսակցությունը պատրաստվում է հաղթել Գյումրիի առաջիկա արտահերթ ընտրություններում»,-ասաց Հովհաննիսյանը:
Գյումրիում ավագանու արտահերթ ընտրությունները կկայանան մարտի 30-ին։ Ընտրություններին մասնակցում է 9 քաղաքական ուժ՝ 3 դաշինք և 6 կուսակցություն: Մասնակցում են «Հայաստանի կոմունիստական կուսակցություն», «Իմ հզոր համայնք», «Հայաստանի աշխատավորական սոցիալիստական կուսակցություն», «Ապրելու երկիր», «Մեր քաղաքը», «Դեմոկրատական այլընտրանք» կուսակցությունները, ինչպես նաև՝ «Քաղաքացիական պայմանագիր», «Մայր Հայաստան» և «Եվրոդաշինք» դաշինքները:
