361.14
Հնդկաստանի արտաքին գործերի նախարարը խոսել է Հայաստանի և Ադրբեջանի միջև խաղաղության գործընթացի մասին
1 րոպեի ընթերցում
Հնդկաստանի արտաքին գործերի նախարար Սուբրամանյամ Ջայշանկարը ողջունել է Հայաստանի և Ադրբեջանի միջև խաղաղության գործընթացը։
Ինչպես տեղեկացնում է «Արմենպրես»-ը, հղում անելով APA գործակալությանը, Ջայշանկարը հայտարարել է, որ Հնդկաստանը ուշադրությամբ հետևում է Հարավային Կովկասում տեղի ունեցող զարգացումներին։
«Հնդկաստանը ողջունում է նախորդ տարվա օգոստոսին Հայաստանի և Ադրբեջանի ղեկավարների կողմից խաղաղության պայմանագրի նախաստորագրումը։ Հուսով ենք, որ սա կհանգեցնի տևական խաղաղության հաստատմանը։ Հնդկաստանի դիրքորոշումը շատ հստակ է. վեճերը պետք է լուծվեն երկխոսության և դիվանագիտության միջոցով»,- հայտարարել է Սուբրամանյամ Ջայշանկարը Ադրբեջանի արտաքին գործերի նախարար Ջեյհուն Բայրամովի հետ համատեղ ասուլիսի ժամանակ։
Բաժանորդագրվեք մեր ալիքին Telegram-ում