Երևանի կենտրոնում երթևեկությունը սահմանափակված է՝ պայմանավորված միջազգային համաժողովի շրջանակներում կազմակերպված միջոցառմամբ

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Օպերայի և բալետի ազգային ակադեմիական թատրոնի հարակից փողոցներում երթևեկությունը մայիսի 15-ին ժամը 15:00-20:00-ն սահմանափակ է լինելու՝ պայմանավորված ՎԶԵԲ միջազգային համաժողովի շրջանակներում կազմակերպված միջոցառմամբ: «Արմենպրես»-ի փոխանցմամբ՝ այս մասին հայտարարություն է տարածել Երևանի քաղաքապետարանը:

«Ալ․ Սպենդիարյանի անվան օպերայի և բալետի ազգային ակադեմիական թատրոնում ընթացող ՎԶԵԲ միջազգային համաժողովի շրջանակներում կազմակերպված միջոցառման առնչությամբ Օպերայի և բալետի ազգային ակադեմիական թատրոնի հարակից փողոցներում երթևեկությունը սահմանափակելու պատճառով, մայիսի 15-ին ժամը 15:00-20:00-ն ընկած ժամանակահատվածում ներհամայնքային տրոլեյբուսային հ. 1 և 9 երթուղիները ժամանակավորապես դադարեցնում են սպասարկումը, իսկ ավտոբուսային և միկրոավտոբուսային երթուղիները այլընտրանքային ճանապարհներով իրականացնում են կանոնավոր ուղևորափոխադրում»,- նշված է հայտարարության մեջ: