Վրաստանի խորհրդարանը հավանություն է տվել որոշման նախագծին, որով արգելվում է Բելառուսի նախագահ Ալեքսանդր Լուկաշենկոյի մուտքը երկիր
2 րոպեի ընթերցում
ԹԲԻԼԻՍԻ, 10 ՀՈՒՆԻՍԻ, ԱՐՄԵՆՊՐԵՍ: Վրաստանի խորհրդարանն այսօր հավանություն է տվել որոշման նախագծին, որով արգելվում է Բելառուսի նախագահ Ալեքսանդր Լուկաշենկոյի մուտքը երկիր: Բելառուսի ղեկավարության կողմից Վրաստանի հետ այցագրային ռեժիմ սահմանելու առնչությամբ Վրաստանի խորհրդարանն այսօր քննարկել է միջազգային հարաբերությունների կոմիտեի նախապատրաստած որոշման նախագիծը, որն առաջարկում է «ուժի մեջ թողնել Բելառուսի քաղաքացիների համար Վրաստան մուտքի անայցագիր ռեժիմըե, բայց արգելել «Բելառուսի այսօրվա նախագահ Ալեքսանդր Լուկաշենկոյին՝ մտնելու Վրաստանի տարածքե: Նախագծում նշվում է, որ «Բիշքեկի համաձայնագիրը միակողմանի կարգով խախտելու եւ Վրաստանի քաղաքացիների համար այցագրային ռեժիմ սահմանելու Բելառուսի նախագահի որոշումը Վրաստանի խորհրդարանը դիտում է որպես անթույլատրելի քայլ միջազգային իրավունքի եւ միջպետական հարաբերությունների ընդունված էթիկական ձեւերի համարե: Ընդսմին փաստաթղթում ընդգծվում է, որ Վրաստանի խորհրդարանը «գիտակցում է, որ Բելառուսի ղեկավարույթան այդ քայլը ոչ մի ընդհանուր բան չունի բելառուս ժողովրդի ցանկությունների հետե: Խորհրդարանը հանձնարարել է Վրաստանի արտաքին գործերի, ներքին գործերի եւ արդարադատության նախարարություններին՝ կազմել «Բելառուսի այն ղեկավար անձանց ցուցակը, որոնք իրացնում են Վրաստանի նկատմամբ կայացված անբարյացակամ որոշումը եւ արգելել նրանց մուտքը Վրաստանե: Որոշման նախագծին համապատասխան, Վրաստանի արտգործնախարարությանը «կհանձնարարվի քննարկել Բելառուսի տարածքում Վրաստանի այն ներկայացուցիչների գտնվելու նպատակահարմարության հարցը, ովքեր աշխատում են Մինսկում գտնվող ԱՊՀ-ի ղեկավար մարմիններումե: Վրաստանի խորհրդարանի խոսնակ Նինո Բուրջանաձեն հայտնել է, որ փաստաթուղթը խորհրդարանի նստաշրջանի հաստատմանը կներկայացվի երկուշաբթի օրը՝ հունիսի 13- ին: