1 րոպեի ընթերցում
ԹԲԻԼԻՍԻ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն Վրաստանի ներքին գործերի նախարար Իվանե Մերաբիշվիլիի հետ երկուշաբթի օրը կայացած հանդիպմանը հայտարարել է, որ իր երկիրը պատրաստ է ընդլայնել հարաբերությունները Վրաստանի հետ: Մերաբիշվիլիի հետ Լուկաշենկոյի հանդիպման վերաբերյալ տեղեկատվությունը զետեղված է Բելառուսի նախագահի պաշտոնական ինտերնետ-պորտալում: «Բելառուսը լի է Վրաստանի հետ հարաբերությունները վերականգնելու եւ ընդլայնելու վճռականությամբե,-ասել է Լուկաշենկոն: Դրա վկայությունը, նրա խոսքով, Մինսկում Վրաստանի դեսպանության բացումն է եւ մոտ ժամանակներս նաեւ Վրաստանում Բելառուսի դիվանագիտական ներկայացուցչության բացումը: Խոսելով երկու երկրների միջեւ ապրանքաշրջանառության մասին՝ Լուկաշենկոն նշել է, որ այսօրվա դրությամբ այն չի համապատասխանում Բելառուսի եւ Վրաստանի ներուժին: Ըստ նրա՝ անհրաժեշտ է ձգտել երկկողմ առեւտրի ծավալը հասցնելու տարեկան առնվազն 100 մլն դոլարի: