Հայաստանի հունահռոմեական ոճի ըմբշամարտի հավաքականը հավաք է անցկացնում Երևանում

ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականը գլխավոր մարզիչ Լևոն Ջուլֆալակյանի ղեկավարությամբ` հավաք է անցկացնում Երևանում:

Ինչպես տեղեկացնում է «Արմենպրես»-ը, ՀԱՕԿ լրատվության բաժինը հայտնում է, որ Երևանյան հավաքին մասնակցում է 25 ըմբիշ: Հավաքականը նախապատրաստվում է հունվարի 29-31-ը Բուլղարիայում կայանալիք Դան Կոլովի և Նիկոլա Պետրովի անվան միջազգային մրցաշարին: Ըմբիշները հավաք կանցկացնեն նաեւ Երեւանում: Հունվարի 14-ին մեկնարկած հավաքը կեզրափակվի հունվարի 28-ին: