Հայաստանի ֆուտբոլի ընտրանին ոչ-ոքի ավարտեց հանդիպումը Ղազախստանի հետ

Հայաստանի ֆուտբոլի ազգային թիմը ընկերական խաղի շրջանակներում Երևանում հյուրընկալել էր Ղազախստանի հավաքականին:

«Արմենպրես»-ի հաղորդմամբ` Վազգեն Սարգսյանի անվան Հանրապետական մարզադաշտում կայացած խաղի մեկնարկային 10 րոպեներին Հայաստանի ֆուտբոլի ազգային ընտրանին տիրում էր նախաձեռնությանը` իր խաղը թելադրելով մրցակցին: Խաղակեսի վերջնամասում ղազախները սկսեցին երբեմն հակագրոհել, սակայն դարպասի գրավում այդպես էլ չարձանագրվեց:

Երկրորդ կեսի մեկնարկին` արագ հակագրոհներից մեկի ժամանակ, Ղազախստանի հավաքականը բացեց հանդիպման հաշիվը: Դիպուկ հարվածով աչքի ընկավ Մաքսիմ Սոմորոդովը: Հայաստանի հավաքականից ընդամենը մի քանի րոպե պահանջվեց` հաշվի հավասարությունը վերականգնելու համար: Հեռահար ու շեշտակի հարվածով աչքի ընկավ ազգային թիմի ավագ Էդուարդ Սպերցյանը:

Հայաստան-Ղազախստան` 1:1:

Հայաստանի ազգային թիմը հաջորդ ընկերական հանդիպումը կանցկացնի հունիսի 9-ին` մրցելով Մոլդովայի հետ: