396.58
Հռոմի Ֆրանցիսկոս պապը ցավակցություն է հայտնել Նեպալում աղետալի երկրաշարժի զոհերի եւ տուժածների հարազատներին
1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Հռոմի Ֆրանցիսկոս պապն իր մտահոգությունն է հայտնել Նեպալում տեղի ունեցած աղետալի երկրաշարժի ողբերգական հետեւանքների կապակցությամբ եւ աղոթք հղել տուժածների արագ ապաքինման համար:
Ինչպես տեղեկացնում է «Արմենպրես»-ը` վկայակոչելով ՏԱՍՍ գործակալությունը, կիրակնօրյա աղոթքով հանդես գալով հավատացյալների առաջ Սուրբ Պետրոսի հրապարակում` պապը խնդրել է նրանց համերաշխություն ցուցաբերել եւ միանալ աղոթքին:
Ինչպես փոխանցում է Վատիկանյան ռադիոն, ստորգետնյա ցնցումները զգալի են եղել նաեւ Հնդկաստանում, Պակիստանում եւ Բանգլադեշում: Մայրաքաղաք Կատմանդուում փլուզվել է ՅՈՒՆԵՍԿՕ-ի մշակութային ժառանգության մաս հանդիսացող Ջարահարա հռչակավոր աշտարակը, որում այդ պահին մի քանի տասնյակ մարդ է եղել:
Վերջին տվյալների համաձայն աղետին զոհ է գնացել ավելի քան 2200 մարդ:
Բաժանորդագրվեք մեր ալիքին Telegram-ում