Կապանում «ԲՄՎ»-ն բախվել է բետոնե արգելապատնեշին և շրջվել

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում մարտի 8-ին` ժամը 22.43-ին, ահազանգ է ստացվել, որ Սյունիքի մարզի Կապան քաղաքի թունելում տեղի է ունեցել ՃՏՊ. ավտոմեքենան բախվել է պատին. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:

Պարզվել է, որ Գործարանային փողոցի վերջնամասում «ԲՄՎ» մակնիշի 55 ZA 545 պետհամարանիշով ավտոմեքենան թունելից դուրս գալուց բախվել է բետոնե արգելապատնեշին և կողաշրջվել: Դեպքի վայրում տուժածներ չեն հայտնաբերվել:Հրշեջ-փրկարարները հոսանքազրկել են ավտոմեքենան: