1 րոպեի ընթերցում
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում փետրվարի 12-ին` ժամը 01.43-ին, ահազանգ է ստացվել, որ Գեղառքունիքի մարզի Մասրիկ գյուղում` կամրջի մոտակայքում «ՈւԱԶ» և «Ջիպ» մակնիշի ավտոմեքենաներն արգելափակվել են ձնակույտի մեջ. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրշեջ-փրկարարները արգելափակումից դուրս են բերել «Ջիպ» մակնիշի 34VT251 պ/հ (վարորդ Գ. Դ.) և «ՈւԱԶ» մակնիշի 34DQ121 պ/հ (վարորդ Հ. Մ.) ավտոմեքենաները: