Աշտարակ քաղաքում հրդեհ է բռնկվել

ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում նոյեմբերի 11-ին` ժամը 04.21-ին, ահազանգ է ստացվել, որ Աշտարակ քաղաքի Եղբայրության փողոցի տներից մեկում հրդեհ է բռնկվել: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, հրդեհը մեկուսացվել է ժամը 04.45-ին, մարվել՝ 04.49-ին: Վ. Ա.-ին պատկանող տանը կից խորդանոցում այրվել են ավտոպահեստամասեր (մոտ 7 քմ):