Արամ Ա Կաթողիկոսն այցելել է Հունաստանում Հայաստանի դեսպանատուն

ԱՆԹԻԼԻԱՍ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Մեծի Տանն Կիլիկիո Ն.Ս.Օ.Տ.Տ. Արամ Ա. Կաթողիկոսը սեպտեմբերի 24-ին այցելել է Հունաստանում Հայաստանի դեսպանատուն, ուր նրան ընդունել է դեսպան Գագիկ Ղալաչյանը: Ինչպես «Արմենպրես»-ին տեղեկացրին Կիլիկիայի կաթողիկոսարանի տեղեկատվության և հաղորդակցության վարչությունից, հանդիպմանը ներկա են եղել Հունաստանի Հայոց թեմի առաջնորդ Գերաշնորհ Տեր Խորեն արքեպիսկոպոս Տողրամաճյանը, Կաթողիկոսարանի միջեկեղեցական հարաբերությունների վարիչ Գերապատվելի Տեր Հուսիկ վարդապետ Մարտիրոսյանը, Հունաստանի ազգային իշխանության ատենապետ Արա Մանկոյանը և գավազանակիր Հոգեշնորհ Տեր Սմբատ աբեղա Սապունճյանը:

Դեսպան Ղալաչյանը ողջունել է Արամ Ա. Կաթողիկոսի այցելությունը դեսպանատուն: Վեհափառ Հայրապետը շնորհակալություն հայտնել դեսպանին ջերմ հյուրասիրության համար, քննարկել հայ-հունական հարաբերություններին, Հայոց ցեղասպանության 100-ամյա տարելիցին և հունահայ համանքին առնչվող հարցեր: