Ադրբեջան

«Խաղաղության կամուրջ» նախաձեռնության հերթական հանդիպումը նախատեսվում է անցկացնել Հայաստանում

1 րոպեի ընթերցում

«Խաղաղության կամուրջ» նախաձեռնության հերթական հանդիպումը նախատեսվում է անցկացնել Հայաստանում

«Խաղաղության կամուրջ» նախաձեռնության շրջանակում Հայաստանում պատրաստվում են ընդունել ադրբեջանցի գործընկերներին՝ երկխոսությունը շարունակելու և խաղաղության գործընթացին նպաստելու նպատակով։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում հայտնել է «Հայկական խորհուրդ» ՀԿ նախագահ Արեգ Քոչինյանը։

«Հաստատում ենք, որ «Խաղաղության կամուրջ» նախաձեռնությունը շարունակվում է, և առաջիկայում նախատեսվում է նախաձեռնության հերթական հանդիպումն անցկացնել Հայաստանում»,– գրել է Քոչինյանը։

Նա նշել է, որ այս պահին ընթանում են առաջիկա հանդիպման նախապատրաստական աշխատանքները։

«Այս պահին պատրաստվում ենք առաջիկա հանդիպմանը և սպասում ենք մեր ադրբեջանցի գործընկերներին Հայաստանում՝ երկխոսությունը շարունակելու և խաղաղության գործընթացին նպաստելու նպատակով»,– ընդգծել է նա։

Քոչինյանը հավելել է, որ հանդիպման ժամկետների, օրակարգի և կազմակերպչական այլ մանրամասների վերաբերյալ հանրությանը կտեղեկացնեն առաջիկայում։

 

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում