Երևան-Երասխ ճանապարհին «Օպել»-ը բախվել է «Զիլ» մակնիշի ավտոմեքենայի

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Երևան-Երասխ ճանապարհի 18-րդ կմ-ին օգոստոսի 13-ին` ժամը 10.00-ի սահմաններում, «Օպել» մակնիշի ավտոմեքենա է բախվել «Զիլ 4502» մակնիշի ավտոմեքենայի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, «Օպել»-ի 2 ուղևորները մարմնական վնասվածքով տեղափոխվել են հիվանդանոց: Կատարվում է քննություն: