Փլուզվել է Լեհվազ-Վահրավար ճանապարհահատվածի հենապատը

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Սյունիքի մարզի Լեհվազ-Վահրավար ավտոճանապարհի 2-րդ կմ-ում հուլիսի 9-ին` ժամը 09.38-ին, տեղի է ունեցել ճանապարհահատվածի փլուզում: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ՀՓՋ-ի ՕԽ-ն: Պարզվել է, որ տեղի է ունեցել ճանապարհահատվածի հենապատի փլուզում (10x3մ): Հրշեջ-փրկարարները անվտանգության ժապավենով իրականացրել են նշված ճանապարահատվածի սահմանազատում: