ՌԴ քաղաքացին երևանում վթարի է ենթարկվել և մահացել

ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ։ Ռուսաստանի Դաշնության քաղաքացի, 1989թ. ծնված Դմիտրի Սիդորենկոյի վարած «ԲՄՎ-318» մակնիշի ավտոմեքենան ապրիլի 4-ին, ժամը 02.00-ին Երևանի Ծովակալ Իսակովի պողոտայում բախվել է պողոտայի կենտրոնով անցնող բետոնյա պատնեշին և կողաշրջվել: Ինչպես «Արմենպրես»-ին տեղեկացրին ՀՀ ոստիկանության տեղեկատվության և հասարակայնության հետ կապերի բաժնից, պատահարի հետևանքով վարորդն ու ուղևորուհին մարմնական վնասվածքներ են ստացել:

«Մալաթիա» բժշկական կենտրոն տեղափոխվելու ճանապարհին Դ. Սիդորենկոն մահացել է: