1 րոպեի ընթերցում
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Ադրբեջանի քաղաքացիական անձանց ու զինվորականների շրջանում շարունակվում են ինքնասպանությունների դեպքերը: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, Բաքվի քրեակատարողական մեկուսարանում կախվել է Նիջաթ Իբրահիմովը: Ինքնասպանության պատճառները հայտնի չեն: Դեպքի առթիվ հարուցվել է քրեական գործ, ընթանում է հետաքննություն:
Լրատվամիջոցը հայտնել էր նաև հիվանդանոցում հայտնված Էլնուր Խալիլովի մահվան դեպքի մասին, ով ևս ինքնասպանության փորձ էր արել, ինչի արդյունքում հոսպիտալացվել էր:
Ադրբեջանական լրատվամիջոցները 2014թ.-ին հայտնել են քաղաքացիական անձանց ինքնասպանության շուրջ 30 դեպքի մասին: Երկրում ինքնասպանությունների նման աննախադեպ ալիքը կանխելու համար անգամ Բաքվի կենտրոնում անցկացվել է հատուկ բողոքի ակցիա` «ֆլեշմոբ», ինչը իրավապահ մարմինները ցրել են: