Հայաստանի անկախության ամրապնդումը յուրաքանչյուր հայի սրբազան պարտավորությունն է. Ն.Ս.Օ.Տ.Տ. Արամ Ա կաթողիկոս

3 րոպեի ընթերցում

ԱՆԹԻԼԱՍ, 24, ՍԵՊՏԵՄԲԵՐԻ, ԱՐՄԵՆՊՐԵՍ:Անթիլիասի Սուրբ Գրիգոր Լուսավորիչ Մայր Տաճարում սեպտեմբերի 22-ին Ն.Ս.Օ.Տ.Տ.Արամ Ա ՎեհափառՀայրապետը հանրապետական մաղթանք է հղել Հայաստանի անկախության 22-րդ տարեդարձի առիթով: Ինչպես «Արմենպրես»-ին տեղեկացրինՄեծի Տանն Կիլիկիո կաթողիկոսությանհաղորդակցման եւ տեղեկատվությանբաժնից, վեհափառ Հայրապետը հայտարարել է, որ պետք է տոնի առթիվ աղոթել բոլոր եղեկեցիներում, որպեսզի Աստված պահի եւ պահպանի մեր հայրենիքը:«Պետք է ամրապնդել մեր պետականության հիմքերը ու բարօրության շնորհ ուղղել մեր ժողովրդի զավակներին: Հայրենիքից ներս թե դուրս աղոթեցինք Հայաստանի իշխանության, բանակի ու մեր ժողովրդի զավակների համար: Արդարև անկախությունը Աստծո պարգևն է տրված մեր ժողովուրդին, պետք է երախտապարտ լինենք Աստծուն, որ ևս մեկ անգամ անկախություն շնորհեց մեր հայրենիքին»,-նշել է Վեհափառ Հայրապետը:

Շարունակելով իր խոսքը` Նորին Սրբությունը ասել է, որ չնայած նրան, որ դժվար են եղել անկախության վերահաստատման տարիները, սակայն մեր ժողովուրդը, շնորհիվ իր ունեցած ամուր հավատքին ու վճռակամությանը, կարողացել է հաղթահարել բոլոր դժվարությունները և այսօր մեր հայրենիքին անկախությունը առավել հզորացման մեջ է:

«Յուրաքանչյուր հայի սրբազան պարտականությունն ու պարտավորությունն է մասնակից դառնալ մեր անկախության սրբազան առաքելությանը: Արդարև հայրենիքը սոսկ հող ու կառույց չէ, այլ էապես ժողովուրդն է: Հայրենի ժողովրդի տնտեսական կյանքի բարելավումն ու ամուր կապվածությունը իր հողին երաշխիքն են Հայաստանի անկախության հզորացման: Այս ուղղությամբ պետք է աշխատին հայրենի իշխանությունը, մեր եկեղեցին, սփյուռքը, որովհետեւ մեր հայրենիքի անկախության հզորացումը ենթադրում է Հայաստանից արտագաղթի կասեցում և շարունակվող փտածության դադարեցումը: Հայրենիքի հզորացումը նաև ենթադրում է մեր եկեղեցում, մեր քաղաքական ու ազգային բոլոր կառույցների ամբողջական մասնակցությունը հայրենաշինության նվիրական գործին»,- հավելել է Ն.Ս.Օ.Տ.Տ.Արամ Ա. ՎեհափառՀայրապետը: Նա եզրափակել է իր խոսքն` ասելով, որ այս տեսիլքով ու հանձնառությամբ Մեծի ՏաննԿիլիկիոԿաթողիկոսությունը շարունակելու է իր գործուն մասնակցությունն ունենալ Հայաստանի անկախության հզորացման եւ հայրենասիրության գործին, ինչպես նաև ժողովրդի ազգային պահանջատիրության նվիրական գործին:

Սեպտեմբերի 21-ին հայրենիքն ու աշխարհասփյուռ հայությունը տոնում էին ՀՀ անկախության 22-րդ տարեդարձը:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն